*నువ్వే రానప్పుడు
నీ ఊహలతో పనేంటనీ
దయతో వాటికి చెప్పవూ
వచ్చే శ్రమ తీసుకో వద్దనీ.
-జిగర్ మురాదా బాదీ
*ఉదయ సంధ్య వేళ
మధువు పుచ్చుకుంటున్నాను
మతాధిపతీ! నన్నాపొద్దు
ఉపాసన కోసం ఆత్మను సిద్ధం చేస్తున్నాను.
-ఆదమ్
*ఆ భోగినీ విలాసం చూడండి
హృదయ తాపం రగిలించి
చూపులు కలపకుండానే చెక్కేసింది
ముసి ముసి నవ్వులు కురిపించి .....
-జిగర్ మురాదాబాదీ
అనువాదం: ఎండ్లూరి సుధాకర్ ,( వర్ణ చిత్రం లో -జిగర్ మురాదా బాదీ )
No comments:
Post a Comment